Aizawl October 23, 2023: Vawiin khan ZPM chhung inkhawm neih a ni a. He huna thusawitu ZPM Consultant F. Rodingliana chuan Kum 5 chhung hi chuan kan state mamawh hi tharchuah hman ngei an tum thu a sawi.

F. Rodingliana chuan, “Kan sawrkarin power a sum a indaih loh chhan hi chhui chian deuh a ngaiin ka hria a, kum 2018-2019 chung chauh kha han en ta ila. Mizoram kan siam chhuah ve leh Tuirial HP atanga 12% kan chan nen manlo a kan hmuh hi cheng 7,16,84,68,800.00 a nia hei bakah hian mipuiin Electric bill kan chhunkhawm cheng 1,67,26,20,000.00 vel a ni a, a vaia hemi kuma sawrkarin sum hmuh cheng 88,41,08,880.00 lai a ni a. Hei bakah hian kan Budget atang leh state in cheng tam tamin a la pui bawk si a, heti chung hian mipuiah a man an ti to telh telh zawk hi mipui min hrilhfiah kan phut a ni,” a ti a.

India Energy Excange (IEX) atanga power lei dan sawiin :

1. Kopili Hp - ₹1.09 per unit

2. Kopili 11 Hp - ₹1.29 per unit

3. Khandong Hp - ₹1.67 per unit

4. Ranganadi Hp - ₹1.96 per unit

5. Talcher STPS. - ₹ 2.48 per unit

6. AGTPP - ₹2.83 per unit

7. Farakka STPS - ₹3.90 per unit

8. Khalgaon STPS - ₹3.58 per unit

9. Loktak HEP - ₹3.20 per unit

10. B Mura - ₹3.10 per unit

11. B Mura - ₹3.10 per unit

ZPM Consultant chuan, "Heng te hi Kan sawrkar in power a leina tlangpui a ni a. Kan lei to na ber chu Bonggaigaon a ni a, ₹7.18 per unit-in kan lei a, an lei na to ber mil hian Mipui-ah min bill ta em ni? Engvangin nge 7.94-a min bill tih hi kei ni ang mipui nawlpui tan chuan hriatthiam a har hle a ni. Heng bakah hian sawrkarin kumtin Budget-ah Vbc za tel a pe kum tin bawk si a kei ni ZPM chuan ngun taka kan en hian mipuiah tihpun ngaiin kan hre lo a ni,"

Power-a Mizoram dinhmun sawiin, "Tun ah hian Hydro power atangin MW 11.5 bakah kan neih sa 29.35MW a vaiin 40.85 vel hi kan thar ve tawh niin a lang a, hei bakah Vankal Solar Plant atangin 20 MW kan thar tawh hnu hian mipui hian Electric bill hi kan chawi tam tual tual a, kan leina in to lam a pan mang si lo a kan thar chhuah lah a tam tual lai a, kum tin mipui min chawi tam tir hi mipui tan chuan hriat thiam hi a har a ni. Sawrkar hian mipui hi Electric bill hmang hian Sum siam nan min hmang zawk em ni tih hi awl tak a ni,” a ti bawk.

ZPM Consultant chuan, “ZPM chuan kan hmalakna tur kan chiang a, hengahte hian hma chak takin kan la dawn a ni -

1. Tlawnglui phase (1) 54 Mw Lungleng rama kan khuah tum hi power siamna mai bakah Aizawl khawpuiin Tui thianghlim kan neih thei nan te, Khualzin hip nan leh Sanghakhawi nan a rem chang em em a ni.

2. Matlui 70 Mw

3. Tuichang Phase 1 Thiltlang bulah 24 MW leh phase (2) 52 Mw

4. Tuivai phase 1 Ngopa bulah 100 MW. Tuivai hi chu kan state sum hnar tur a ni a, tui a tam a, 210 MW hi chu Feature project atan kan ti dawn a ni. Kum 5 chhung hi chuan kan state mamawh hi tharchuah hman ngei kan tum a ni," a ti bawk.