ZALEN December 4, 2023 : Vawiin khan ZPM chuan Party Office-ah inthlan result chhiar zawh takah Pathian zara chakna an chan avanga lawmthu sawina an nei a, tawngtai rualna hun an hmang.

He hunah hian ZPM President Lalliansawtachuan thu sawiin, “ZPM party in hnehna ropui tak mai kan chang hi kan lawm takzet a, Pathian leh ram mipuite chungah lawmthu kan sawi tak meuh meuh a ni. Kum ruk chauha upa party kan ni a, kum sawmruk a upate pawh kan leh pel thei hi a ropui hle a ni."

"Kan phu reng vang a ni lovin Pathian remruatah kan ngai a. Bible-ah chuan roreltu hi Pathian ruat an ni tih kan hmu a, hun a tihah roreltu chu a siam mai a ni. MLA-a tling zawng zawngte duhsakna sang ber kan hlan a, tling zo ve ta lo te pawh an kal zelna turah duhsakna kan hlan a, kan ram tan theihtawp chhuah tlang turin kan in sawm a ni,” a ti.

Lawmthu sawina inkhawm hi Dr. Kenneth Chawngliana’n a kaihruai a, MLA tling tharte leh Party hruaitu kalkhawm ten lawmthusawina tawngtai rual hun an hmang a ni.