ZPM in MLA atanga Robert Romawia ban ngei an phut
Tualchhung
Apr 13, 2023

April 13, 2023; ZPM Vigilance Department General Secretary SL Ngursailova Sailo chuan, Robert Romawia Royte ban a nihna turin document an nei tha tawk tih a sawi a, ban a nih chuan kumin inthlan chauh ni lo, inthlan lo awm leh tur thlengin a chuh thei dawn lo niin a sawi.

ad
ad

ZPM party in Representation of the People Act, 1951 (RP Act) Section 9 (A) bawhchhia a Robert Romawia Royte an puhna leh MLA atanga ban (disqualified) tura Mizoram Larsap hnen a petition an thehluh a hming tumtu SL Ngursailova Sailo chuan vawiin a Action Committee, ZPM Hqrs. in 'Dikna Duh Punkhawm' an huaihawtah thusawiin, an petition chu Election Commissin of India (ECI) in a zirchiang mek niin a sawi.  

SL Ngursailova Sailo sawi danin, ZPM party chuan uluk taka an zirchiang hnuah, phek 97 a chhah document chu February ni 28, 2023 ah Larsap hnenah an thehlut a, March ni 16, 2023 ah zirchiang a, ngaihdan sawi turin ECI ah lehkha a thawn.

"Document kan neih a tha tawk a, ECI in negative deuh a a comment a nih chuan ECI hi mak kan ti hle ang. Kan document te Robert Romawia Royte ban a nihna turin a tha tawk a. ECI in dan ang taka hma a la a nih chuan Larsap hnenah ban rawh le tih chu a opinion ni turah kan ngai," SL Ngursailova Sailo chuan a ti.

Vawiin punkhawmna ah hian minister Robert Romawia Royte in dan a bawhchhiat hrang hrangte tarlan a ni bawk a, 'Representation of People Act 1951 section 9 (A) hmang diklo tu Pu Robert Romawia Royte bang rawh se', 'Minister sumdawng Robert Romawia Royte bang rawh se' tih leh au hla dang hmangte in an au rual a ni.

RESOLUTION AN SIAM -
1. June ni 17, 2022 a NECS leh Mizoram sawrkar, District Council & Minority Affairs department ten SINGLE SOURCE SELECTION hmanga Deed of Agreement an lo signed hi a bik taka mipui emaw midang tute emaw inrawlh ve theih loh tura lo inlakbingna hian The Mizoram Transparency-in Public Procurement Rules 2020 a kalh a. Hetiang taka Section 9A of the Representation of People’s Act, 1951 bawhchhiatna awm hi ZPM chuan kan palzam thei lo.
 
2. Minister hian November 2018 a Election Affidavit (Form – 26) a theh luhah khan ziah lan loh (Not Declared) engemawzat a neih avangin False Affidavit case, Section 125 of the Representation of People’s Act, 1951 (False Affidavit) pawh a awrh ngei turah kan ngai.
 
3. Huaisen takin dan ang taka Governor-in a ban theih nan ECI hian dan a bawhchhiatna hi an rawn tilang ngam ngei turah kan ngai a. Governor hnenah an chhanna pawh an rawn thawn thuai kan beisei a ni.

Latest News & Chhiar Hlawh