Aizawl July 3, 2024: Vawiin khan Zuangtui leh Muthi a khuarel chhiatna avanga in leh lo chante chu Minister PC Vanlalruata leh ZPM Gen.Hqrs Vice President C Lalnunnema ten a hmunah an tlawh a, khawtlang hruaituten an lo dawngsawng.

Zuangtuai-ah hian tunhnaia ruahsur avanga leimin chenna in luahlai 4 an hnawl a. A luahtu chhungkuate hian buangrua engmah an chuh an lo a ni. Vanneihthlak takin naupang pakhat a hliam tih loh chu nunna chan leh hliam an awm lo a ni. Tin muthi ah hian Lalsangzuala te chhung chenna in chu leiminin a hnawl bakah Biakthansangi te chenna in pawh luah ngam lohin a awm mek a ni.

Minister PC Vanlalruata chuan,"Khuarel chhiatna avanga in leh lo chan kan awm leh hliamtuar mai bakah veng thenkhata nunna hial chan an awmte hi Sawrkar chuan kan tawrhpuiin pawi kan ti takzet a, Sawrkarin a tih theih ang ang chhiatna tuartute tan a ti zel dawna, tunah hian DM&R lam pawn a tul ang an buaipui mek a ni," a ti.

ZPM Gen Hqrs Vice President C.Lalnunnema pawhin chhiattawk te ZPM Party-in an tawrhpui thu sawiin, Hnatlangte thingpui in na senso atan Zuangtui khawtlang hruaitute hnenah Rs 5000 a hlana, tin muthi a pawh leimin vanga harsatna tuartute hnenah ZPM General Headquarter ai awhin sum leh pai a hlan bawk a ni.