August 3, 2023; ZPM party in kalphung thar thawhlawm thawh theihna an siamah nizan thleng khan Rs. nuai 21 chuang a lut tawh.

Fund raising sub committee, ZPM campaign committee - 2023 hruaitute hnen atanga ZALEN thudawn danin, kalphung thar thawhlawm thawh theihna an siamah hian nizan dar 9 thleng khan Rs. 21,98,636 a lut tawh a ni.

ZPM party in kalphung thar thawhlawm thawh theihna an siam, fund raising campaign hawnna hi kumin April ni 24 khan hawn a lo ni tawh a, sum thawh theihna an siam chhan an tarlan danin, Mizorama mipui inhawnna te, India ram leh ram danga Zo hnahthlakte inhuamna an hriat thu te, party unit leh block hrang hrangin sum tuaka an hnatlangte an hmuhin, campaign fund thawh theihna siam tha an ti a, chumi vang chuan sum thawh theihna remchang an siam thu an tarlang.