Aizawl April 15, 2024 : ZPM Lok Sabha MP Candidate Richard Vanlalhmangaiha chuan vawiin khan Chief Judicial Magistrate hnenah Criminal complain a file.

Complain a thehluh chungchangah hian hian Richard-a chuan a pawimawh berah chuan pawisa dawng anga puh kha a ni a ti a, an office account-ah khan pawisa chu a lut ngei a, chumi hriatpuitu-ah chuan a tang ngei tih a sawi a, mahse, a kutah pawisa pakhatmah a lut lo a, chuvangin inhnamhnawihna a nei lo tih a sawi.

Vawiina Complain an thehluh hi vawiin hian Order a chhuak hman lo avangin naktukah order hi tichhuah hman tum a ni a, chutah chuan SP Cyber Crime-ah an refer ang a, Cyber Crime lam hian Warrant of Arrest nge Identified phawt turin order an siam dawn tih hriat theih a la ni lo, niin ZALEN chuan thu a dawng.

Richarda chuan, Officer-in-charge, Aizawl Police Station leh Cyber Crime Police Station te chu Criminal Complaint-a accused mi pathumte heng – David Sailo (Facebooker), Lalrammuanpuii Izu (Tuesday Nightmare Youtube Channel) Parmanent residence of Mamit leh Tlanghmingthanga S\o ML Thanga (L) Mission Vengthlang te chungchangah hian investigation kalpui a, warrant of Arrest tichhuak tur leh Section 500, 419, 505 leh 34 IPC, R/W 66D IT hmanga hremna pe turin dil a ni.

ZPM legal board chuan social media hmangin an MP candidate chu tenawm taka beih a ni tih an lo sawi tawh a, David Sailo inti leh Youtuber Tuesday Nighmare te lakah criminal complaint an file dawn tih hi an lo sawi tawh a ni.

ZPM Gen. hqrs Legal Department GS Vanlalsiama Pachuau chuan 2011 leh 2012 bawr vela MAMCO Dy Mananger (marketing) Lalremthanga leh MAMCO consultant nia chhal Mustaqur Rahman, Guwahati ten contract hna pek chungchanga inbumna case chin fel tawh, hremna pawh pek tawh kaihhnawih ah ZPM MP candidate sawi luh ve talh tumna facebook leh whatsapp - ah te nasa taka thehdarh a ni tih an lo sawi tawh a ni.

10.4.2024 zan vek khan youtube channel pakhat chuan tu tute emaw phone be kualin, an inbiakna record chu thehdarh a nih mai bakah a rinthu tlem belhchhah in, case pawh la kal mek anga sawi zuiin a thehdarh zui leh bawk tih a sawi a, hei hi thil tha lo tak leh politics a dawt hmanga inbeihna a ni tih an lo sawi tawh bawk.