ZPM Office Bearer's Meeting, Republic Veng YMA Hall-a November 21, 2023 a neih chuan hetiang hian lungrual takin resolution a siam.

1. Kum 2023 MLA General Election chu boruak muanawm tak hnuaiah tluangtaka neih zawh a lo ni ta hi ZPM Party chuan lawmawm kan ti tak zet a. Inthlan tluang taka neih a nih theihna atana buaipuitu zawng zawng chungah lawmthu kan sawi.

2. Mizoram People Forum (MPF) te nen a kan thawhhona thuthlung kan zawm tha hle hi a lawmawm kan ti a. Hun lo kal zel turah MPF leh party te thawhhona thuthlung changtlung zawk nen hma lak zel ni se kan ti.

3. Election Commission of India in vote chhiar hun atan Kristian te ni pawimawh December ni 3, 2023 (Pathianni) a ruat hi ZPM chuan pawi a ti tak zet a. He hun ruat a nih thu-ah hian Election Commission of India hnenah sawn tura ngenna ziakin tum hnih Pu Lalliansawta, President hminga thlen a lo ni tawh. ZPM mai bakah, Mizoram Kohhran Hruaitu Committee te, NGO Coordination Committee ten theihtawp chhuahin vote chhiar hun sawn a nih theih nan hma an la mek bawk a. NGO Coordination Committee hmalakna hi ZPM Party chuan kan thlawp tlat a ni.

4. 'Kalphung thar, Mipui Sawrkar' a pian ngei theihna atana theihtawp chhuahtu zawng zawng chungah ZPM General Headquarters chuan thinlung takin lawmthu kan sawi a. Zoram hmun hrang hranga kan party mi leh sa mai bakah, zoram chhung leh pawn atanga ZPM thlawp a, kan candidate te tana theihtawp lo chhuahpuitu zawng zawng chungah lawmthu kan sawi tak zet a ni.