Aizawl August 27, 2024 : Vawiin khan ZPM General Headquarters chuan Organisers leh Deputy Chief Organisers te tan sawrkar flagship programme 'Hand holding policy' zirchianna venghlui YMA hall ah a buatsaih a, Adviser to Chief Minister Dr. KC Malsawmzauva Co Chairman, Marketing Board chu resource person a ni.

Dr. KC Vanlalmalsawmzauva chuan sawrkar thil tum leh handholding kal pui dan tur zirtirna kim chang takin a pe a, Hand Holding policy chu Sawrkar flagship pawimawh tak leh inthlan hma atang tawha ZPM Party-in mipui hnena a lo tlangaupui tawh a nih thute, kuthnathawktute leh thalai mahni kea din tumte bana kaihna tur policy a nih avanga sawrkarin a ngaihpawimawh thute, awmze nei tak leh system felfai taka kalpui tum a nih thute a sawi a ni. Hei bakah hian zawhna leh chhanna hun te hman a ni bawk.

He hunah hian Er. Vanlalneiha Ralte, Secretary General pawhin infuih tharna thu sawiin, sawrkar hmalakna ah tumah awl thei bik an awmloh thu te, dikna nena ram siamtha tura theih tawp chhuah zel turin kalkhawmte a sawm a ni.