ZALEN Nov 8, 2025 : ZPM president Lalliansawtan Dampa bial bye election neih turah an party candidate Vanlalsailova vote turin Dampa mipui a sawm.

Vawiin a Aizawl press club a thuthar thehdarhtute a kawmnaah he thu hi sawiin, ZPM president chuan an party candidate Vanlalsailova chu lungrual taka an party in an candidate a nih thu a sawi. Sawrkarna kum hnih chhung an chan tawhah mipui duhkhawp lohna leh tlin lohna lai te an nei ang tih sawiin, kum thum hun an la neihah theihtawp chhuahin Mizo mipuite tan hma an la zel dawn tih a sawi.

ZPM president chuan Dampa bial inthlanah hnehna chan ngei an inbeisei thu leh party dang ten an beihna, sum leh pai hmang nasa an tih chungchangah loh theih lohna leh hman ngei ngei ngaihna ni loah chuan party anga sum an hman loh thu a sawi.

#ZalenNews