ZALEN August 06, 2026 : Vawiinah khan ZPM Thalai General Headquarters chuan Economics & Statistics Directorate Building, MINECO sak a nih dan chungchangah corruption a awm nia an hriat avangin Anti Corruption Bureau (ACB)-ah Corruption Complaint/FIR an thehlut.

ZPM Thalai chuan PWD Quality Control, Aizawl DC, Accountant General leh Mizoram State Project Monitoring Committee ten building hi a him loh thu leh a sak danah inkaihhruaina bawhchhiatna tam tak an hmuhchhuah tawh thu an sawi.

General Secretary Boris Zoremsiama, Vigillance Dept. ZPM Thalai General Headquarters hmingin complaint thehluh a nih thu tarlangin, ACB-in thu hi ngun taka chhuiin, corruption a awm a nih chuan mawhphurtute chungah dan anga hremna la ngei turin an ngen bawk.