ZALEN Oct 30, 2025 : ZPM ṭhalai chuan thuchhuah siamin, Mizoram 9th Assembly Session a Forest Conservation (Ammendment) Act 2023 lungrual taka Legislators ten an Adopt na duh lo a MNF party ten October ni 29, 2025 (Wednesday) a mipui khawsak nunphung tibuai zawng a Total Bandh an nei ta mai hi pawi an ti hle tih an tarlang.

Thuchhuah an siama an tarlan danin, MNF Party hian NDA a Lok Sabha MP C Lalrosanga leh Rajya Sabha MP K Vanlalvena ten 2023 a Forest Conservation (Ammendment) Bill an lo passed pui tawh, leh, 9th Mizoram Assembly Session-a MNF Party Legislature Member 10-ten lungrual taka Resolution an lo Adopt pui tawh chu October ni 29, 2025 (Wedesday) khan Total Bandh hmangin an rintawk lohna an ti lang a, hei hian MNF Party chhung a Legislators leh an Party hruaitute an inlungrual loh zia a ti lang chiang hle a, MNF hian an MP leh MLA te lakah no-confidence motion Total Bandh hmag in an Move ah kan ngai a ni, an ti.

MNF Party hian Total Bandh an huaihawt tak hi Forest Conservation (Ammendment) Act 2023 duh lohna lantirna angin puang zar mahse, an tum ber erawh Dampa bial Bye-Election thlir chung a Mizoram mipuite mithmuha an party lansarh duhna a ni tih a chiang hle a, Media a kan lo hmuh angin MNF President Pu Zoramthanga an kawmna ah “(Total Bandh hi) a bik takin Dampa bialah phei chuan hei hi thil pawimawh tak, au ring tak tur a nih kan ring” ti a a sawi hian a nem nghet hle an ti bawk.