Aizawl September 5, 2024 : ZPM Thalai chuan MNF Thalai ten an sawrkar laia an kawngpui siamte'n an daih rei loh thin êm avanga Moral Responsibility-ah laa an mahni ngeiin siamthar leh tuma hnatlâng an ko chu lawmawm an ti a. An sawrkar lai zawnga an lo harhchhuak hman lo erawh a pawi an tih thu thuchhuah an siamah an tarlang.

ZPM Thalai chuan, "An sawrkar laia an hnathawhte ngei kha an opposition hnua tha tawk lova ngaia siamthat hna thawk tura hnatlang an ko ta hi lawmawm kan ti a. An sawrkar chhunga Aizawl khawpui chhunga an kawngpui siam thenkhatte'n fûr khat ém pawh a daih lo thin erawh hi chu pawi kan ti a; Tun kan kawngpui chhiaa harsatna kan tawh mékte pawh hi an 'Lu Pân Hnathawh' rah kan seng mék vang niin kan ngai a ni," an ti.