ZALEN March 19, 2026: ZPM Thalai General Headquarters chuan kar tina an kalpui mek angin vawiin khan NH-06 kawng siam Inspection & Monitoring an nei leh a, an Vice President Isaac Lallungawia Rokhum, General Secretary ZD Lalrinkima leh Joint. Secretary Vanlalhruaia ten ZPM Thalai Hqr. aiawhin a hmunah an enfiah a ni.

Tun dinhmunah 4 Lane in a khawih tel loh tur Khamrang - Sairang hi J Infratech Pvt. Ltd. leh BR Goyal Pvt. Ltd ten enkawlin, Black topping leh Concrete Pavement hmangin kawng an siam mek a, tunhnaiah ruah surin an hna ti khaihlak mah se, April thla chhungin hna hi zawh hman an in beisei a, tun dinhmunah an hna hi 70% zo tawh anga ngaih theih a ni, an ti.

ZPM Thalai chuan Kawnpui - Sairang kawng hi Mizoram PWD kut ni tawh lo mah se, Mizoram tana chak lakna kawng pawimawh tak a nih avangin an vil chhunzawm zel dawn a ti.