ZALEN March 26, 2026: Aizawl South III bialtu MLA Baryl Vanneihsangi chungchang social media-a mawi lo taka thu thehdarhtu 'Rfa Rfralte' inti lakah ZPM Zonu Hqrs. chuan Cyber Crime Police Station-ah FIR an thehlut.

'Rfa Rfralte' inti hian Facebook Group – 'Zoram Politics leh News Group' -ah Baryl Vanneihsangi thlalak pahnih dahin a caption-ah "Hman deuh khan milian hoin duh duh huna koh theih nu kha ani ve tlat, tunah pawh an la ko reng thinin ka ring' tih a ziak a ni, an ti.

Baryl Vanneihsangi chungchang thu a ziah dan hi hmeichhe zahawmna tihbawrhbanna lam hawi a nih avang te, dawt muhluma inbeihna a nih avangin ZPM Zonu chuan an ngaimawh hle a, a thehdarhtu hian a phu tawk hremna a hmuh ngeih theih nan Cyber Crime Police Station-ah hian FIR hi an thehlut a ni.

#ZalenNews