ZALEN Oct. 1, 2025 : AMC Ward-16 Corporator R. Lalawmpuii, ZPM Zonu Headquarters President ni bawk chuan vawiin hian a bial chhunga Bethlehem Veng leh College Vengah Upa-te Ni lawmna khuallian niin a hmanpui.

Upa-te Ni lawmna hunah hian R. Lalawmpuii chuan thu sawiin, 'Upa-te tawnhriat hi ro hlu a ni a, khawvel ṭhang chho zelah ṭhangtharte'n nghet tak leh mahni inring tawk taka khawsak nan upa-te tawnhriat hi kan hman phah a ni,' tiin, Upa-te tawnhriat chu ṭhangtharte'n an hriat nawn fo a ngaih thu a sawiin, kum upa-te chawimawina leh zahna lantir kawngah pawh ṭhang tharte'n ṭan an lak a ngaih lehzual thu a sawi bawk.

Maawmi chuan, 'Kum upa-te hlimna bakah, thlamuang taka an khawsakna turte, ei leh in hrisel zawk ngaihtuahsak kawngahte Mizo pawhin ngaihtuahna kan sen-ve a hun tawh hle a ni', a ti.

College Veng Branch MUP hian YMA Committee Room-ah Upa-te Ni lawmna hun hi hmangin, he hunah hian Nokungi kum 107 tlin lawmna hun hman nghal a ni a, R. Lalawmpuii hian Nokungi hnenah chawimawina thil pek a hlan bawk; Bethlehem Veng Branch MUP hian MHIP In-ah Upa-te Ni hi an hmang bawk a ni.

R. Lalawmpuii hian a bial chhunga kum upa-te a theihna kawng hrang hrangah a ngaihsak reng ṭhin a, MUP Rûn thawm ṭhat hna bakah Upa-te mamawh ngaihtuahin sawrkarah a theih ang angin hma a lakpui ṭhin bawk.

#ZalenNews