Zo Ri-mawi International (ZRI) Charity Group chuan a vawi khat nan Vohbik (Rualbanlo) te pualin 'ZRI Vohbik’s Got Talent 2023' an buatsaih dawn. He reality show-ah hian Zoram chhung leh pawna Zofa a duh apiang tel theih a ni a, kum bithliah a awm lo. 

November 14 'National Childrens Day' zan dar 7:00pm hian Vanapa Hall-ah zaithiamte nen a khuhhawnna ropui tak hman a ni ang. He reality show-ah hian intihsiak chi hrang hrang a awm dawn a, December 2, 2023 ah a hmawr bawk a ni ang. 

1st round hi video clip hmanga neih tur a ni dawn a, heta tang hian 2nd round lut tur top 20 thlan chhuah a ni ang. Top 20 te hi November 24 atangin Zarkawt Comunity Hall-ah an intihsiak dawn a, chuta tang chuan a titha zual top 10 thlanchhuah leh a ni ang. 

December 2, zan 7:00pm khian Zarkawt YMA Hall-ah Grand Finale neih a ni ang a, lawmman sem nghal a ni ang.

Programme hi LPS 5 leh ZONET Bawhbel-ahte pek chhuah thin a ni ang a, Jimmy Pachuau YouTube channel-ah live-a pekchhuah a ni bawk ang.

Lawmman 

Pakhatna - Rs 1,00,000 leh chawimawina thuziak

Top 10 - Rs. 5,000 leh chawimawina thuziak 

Top 20 - Rs. 1,000 leh chawimawina thuziak