Aizawl: March ni 16,2015 atanga June ni 24,2015 thleng khan Mizoram ah zu atangin chhiah chi hrang hrang Rs. nuai 723.43 hmuh a ni tawh. Zirtawpni kalta khan Excise & Narcotics Department Commissioner Lalhmunsanga chuan Kolasib a tlawh tuma chanchinbumi te a kawmnaah he thu hi sawiin zu dawr hawn hma January khan Rs. nuai 31.71 hmuh a ni a, February-ah nuai 61.26 hmuin, zu zawrh tan thla March-ah nuai 125.82 chuang hmuh a ni a, April-ah nuai 239.24 leh May-ah nuai 324.14 hmuh anih thu a sawi a. Zu permit nei pawh July ni 1,2015 thleng khan mi 40,497 an ni tih sawiin zu lei phalna permit hralhna atang ringawt pawh hian cheng nuai 210.58 hmuhchhuah anih thu a sawi bawk. Excise Commissioner hian Kolasib district chhung hmun 2- 1st IR Mualvum leh Kolasib ah te hawn thuai a ni dawn tih a sawi bawk.