Aizawl; Sawrkawr chuan zu khap burna , zu zawrh leh a in khuahkhirhna ‘Mizoram Liqour Prohibition and Control Bill’ hmanga thlak a tum tih a tichiang zel a. “Ram dang miin tlanchhe chungin zu chhia an siam a, Kohhran member ni chunga zu tel lova awm thei lo an tam em em a, kan thalaite’n an in lo thei lo va. Sawrkar angin kan en liam mai thei lova, heng mite tan hian zu tha zawk leh man tlawm zawk sawrkar chuan a buatsaih dawn a ni,” tiin Lal Thanzara H&FW, ICTMinister chuan Zirtawpni a Architect Cell building hawn inkhawmah a sawi. Mizoram-ah zu chhia a tam thu leh zu satute chu ramdangmi deuh vek an nih thu sawiin “Zu tha in tur a awm thei lova, a in te’n an in loh theih loh avangin reilote chhungin an thi mai thin a, heng mite tan hian sawrkar chuan zu tha in tur a buatsaih dawn a ni,” tiin a sawi bawk. Lal Thanzara chuan zu chung chang ah sawrkar leh kohhran hmalakna chu inang khat a nih thu sawiin “Sawrkar hian Kohhran a do thiang lova, kan Chief Minister pawhin Congress sawrkar chu kohhran tawngtai chhanna a nih thu a sawi thin a ni,” a ti bawk. Thawhlehni lo awm tur July ni 8 atang hian Assembly Session neih tan a ni dawn a, ni 3 chhung awhin July ni 10 hian Mizoram Liqour Total Prohibition Act thlakna tur Mizoram Liqour (Prohibition and Control) Bill, 2014 pharh a nih rin a ni. Excise zu man 2012-2013 Rak Zu lts 47,747 Zu bilh lai tin 96,242 IMFL 750ml 91,547 Beer 650 ml 36 Beer can 11, 621 Yeast 358 kgs MLTP -a man 2700 MLPT -a case ziahluh 2,530