ZALEN August 18, 2026 : Excise & Narcotics Department-in hriselna kaihhnawih avanga zu kawl leh in phalna a siam, 'red card' mi pahnih hnenah pek a ni tawh.

Red card nei tur hian mi 100 velin form an la chhuak tawh a, tun dinhmunah mi 2-in red card fee cheng 5000 an pe tawh a, Red Card hmanga IMFL hralh chhuak tur hian engkim peih fel tawh ni mah se vawiin thlengin Red Card hmanga zu lei tura kal an la awm lo.

Excise & Narcotics thawktute hnen atanga ZALEN thudawn danin tuna red card dilna an hawn hi tum dang anga wine permit ang kha a ni lo a. Permit dil turte chuan hriselna kaihhnawihah an dil thei ang tih a ni a, dilna hi doctor-in hriselna kaihhnawih atan a mamawh tih a ziah mai bakah an awmna District Medical Superintendent-in a hriatpui (counter sing) a ngai leh a. Chuvangin, dil pawh an tam lo nia an hriat thu an sawi.

Tarlan tawh angin, Red Card hi kum khatah Rs. 5,000 man zel a ni dawn a, Aizawla Excise pisa-ah END chuan Departmental Store siamin, zu an man, Court-in a tihfel tawhte chu Red Card neite tana hralh chhuah a ni dawn a. Zu chu a man pangngai aia zaa 75-a tlawmin hralh a ni dawn a ni.