ZALEN March 8, 2026: Tun hnai kum hnih chhungin Excise & Narcotics departmentin zu leh drugs kaihhnawihah foreigner mi 91 man an nei.

Assembly session neih meka Tuichawng bialtu MLA Rasik Mohan Chakma zawhna Excise & Narcotics changtu minister Lalnghinglova Hmar-in ziaka a chhan danin kum 2024-2025 chhung khan zu leh ruihhlo kaihhnawihah foreigner 55 man an ni a, kum kal mek, 2025-2026 (January 31, 2026 thleng) chhungin mi 36 man an awm leh tawh.

Kum 2024-2025 chhungin MLP Act 2019 hnuaiah mi 5,530 man an ni a, thubuai ziah luh 6,173 a awm a. Kum kal mek, 2025-2026 (January 31, 2026 thleng) chhungin mi 4,944 man an ni leh tawh bawk a, thubuai ziah luh 5,388 a awm.

Kum 2024-2025 chhungin Mizoram Excise Act, 1973 hnuaiah mi 530 man an nih laiiin thubuai ziah luh 542 a awm a, kum kal mek 2025-2026 (January 31, 2026 thleng) chhungin mi 172 man ni leh tawhin thubuai ziah luh 210 a awm.