Aizawl; Parliamentary Secretary Home Lt.Col. ZS Zuala chuan sipaite chu Zu leh mipat hmeichhiatna hmansual kawngah pawh invawng tura fuihin an hriselna pawh vawng uluk turin a chah a, an mamawh thlen te a theih anga bawhzui a tum thu a hrilh a bawk. Zirtawpni khan 4th IR Battallion Out post(BOP) Saikhawthlir, Zamuang, Borai leh Bungthuam te a tlawh a, IR te dinhmun leh hmunhma te a en a, Police te hian an hna thawh dan leh an harsatna te Parliamentary Secretary hi an lo sawipui. Parliamentary Secretary chuan IR te chu discipline tha tak vawng tur a chahin, pu te thu ngaichang thiam turin a chah a. Parliamentary Secretary hian Reang(Bru) laklet thawh ruknaa lo let te Mizorama an chenna hmun Damdiai, Saikhawthlir, Zamuang, Chuhvel leh Kanhmun te a tlawh bawk a, an chhungkaw dinhmun leh mamawh te a sawipui a ni. Parliamentary Secretary chuan Reang (Bru) te chu Mizorama thlamuang taka awm tur a chahin sawrkarin a theihna apiangah a chhawmdawl tur thu a hrilh a ni. Zawlnuam MZP te'n High School a science zirtirtu an neih loh vanga road block buatsaih chungchang an sawiho bawk ani.