Aizawl: Aizawl district huam chhungah June 28, 2018 thleng khan zu in/lei phalna ‘Liquor Card’ nei mi 20918 an awm mek. Zu card nei 20918 zinga 10315 te hi a hlui tinung (renew) lehte an ni a, a dang 10603 hi card thar siamte an ni. Excise & Narcotics thawktute chuan kumdang aiin card renew an tlem nia sawiin a chhan nia lang chu kum danga an phut ngai loh kuminah chuan card renew turte tan Voters ID an phut vang nia an hriat thu an sawi. Zu card thar siamna atan hian Rs. 340 a ngai a, a hlui renew tur tan Rs. 300 a ngai thung. Excise thawktute chuan zu card neite hming leh nihna chu an thup tlat tih sawiin RTI pawhin pekchhuah theih a ni lo tih Zalen an hrilh. Tun dinhmunah Aizawl district (Aizawl khawpui chhung) ah zu dawr ‘liquor shop’ 26 a awm mek a, Bar pahnih, Aijal Club leh Hotel Ritz-ah te a awm mek.