Aizawl: Zu card neitute atanga ngaihdan lakkhawm danin zu man chu 30% pawhin to mah se lei chhunzawm zel an huam. MLPC Study Group in an zirnaa an tarlan danin Aizawla zu card nei 382 te chu serial number pek an nih angin random-a thlan chhuah an ni a. Chung mite chu phone hmanga kawm zu man chu tih to ni ta se engzah thleng a to in nge an lei ngam ang tih zawh an ni a. Zawhna chhangtu 345 chuan 30.56%-in zu man chu to mah se na ti lem loin an lei chhunzawm dawn nia tarlan a ni. ‘A awmziaah chuan zu man chu Rs 100 man ni ta se Rs 130 thengin na tiloin an lei dawn tihna a ni,’ tiin tarlan a ni bawk a ni. Taxation Department-in 2016-2017 chhunga zu chhiah a hmuh chu Rs 922,535,104 niin 30% vel hian chhiah pun ni ta se 2016-2017 chhunga zu chhiah atanga sum a hmuh tur chu Rs 1,204,461,831 niin a lakluh belh chu Rs 281,926,723 a ni thung ang.