Aizawl: Central YMA president Lalbiakzuala chuan Mizoten puipunna awm dan kan thiam ve zel te, thu awihna te, zu rui leh buaina siam ngaih san lohzia tihlan zel a ni dawn tih Zalen palai a hrilh. Zalen palai zawhna chhangin CYMA president chuan Remna Ni hlawhtling taka kan lawm thei chu lawmawm a tih thu sawiin, a hlawhtlin theihna atana Mizoram leh ram pawna theih tawp chhuahtu zawng zawng chungah lawm thu a sawi CYMA?President Lalbiakzuala chuan a vawikhatna atan June  ni 30 a Remna Ni political party zawng zawngte nen Laman man tih sawiin chutih rual chuan Thana a dah ngai an awmlo chu lawmawm a ti hle tih a sawi a. “Gate ah security khauh mahse, a chhungah mipui kan zalen phah a, thalai sang rual zetin hlim taka Remna Ni an hmang thei leh remna hlutzia kan hre thar te kha a lawm awm hle a ni,” a ti. CYMA?President chuan Organising committee ngenna anga political party leader te pawhin midang demna leh mahni insawi vulna lam an sawi lote chu ropui a tih hle tih a sawi a, Mizoram in Remna a neih chu vawng hima humhalh zel a duh thu Zalen palai a hrilh bawk.