ZALEN Jan 19, 2026: Nimin zing khan Mizoram Police, Bairabi Police check gate a duty te chuan zu thahnem tak an man.

Nimin Pathianni zing dar 5 vel khan Bairabi Police check gate a Mizoram Police duty te chuan lirthei Yodha Regn No, MZ-03-A-1516, KT Beiphasa (30), Council veng, Siaha khalh atangin zu thahnem tak an man a, an zu man te hi Royal Stag whiskey 750 ml um 204 (case 17) Rs. 97,920 man te, Kingfisher Canned Beer 500ml. can 336 (case 14) Rs. 33, 600 man te, MCDowel No. 1 Rum 375ml um 384 (case 16) Rs. 61,440 man te a ni a, an zu man hi a vaia belhkhawmin litre 465 niin a printed price angin Rs.1,92,960 man a ni a, tualchhung ratea ah chuan hei aia sang daih tur a ni. 

Zu phurhna lirthei leh a khalhtute hi manin Bairabi Police ah thubuai ziahluh a ni.

#ZalenNews