Aizawl: MLPC Study group-ten an zirchiannaah chuan zu vanga trauma/injury case-ah Rs. Nuai 409 leh health care atan Rs. Nuai 635 vel hmanral a nih thu tarlan a ni. MLPC study group te research a tarlan a nih danin 2016-2017 sawrkar kum chhungin Aizawl Civil Hospital-ah trauma case 23,408 a lut a, basic care-ah Rs 500, investigation dang ngaihnaah Rs 3000 zel seng anga chhut a ni a. Chawhrualin Rs 40,964,000 a tling a ni. Health care zirnaah sample 3508  chhungin damdawi in 13 atanga lakkhawm a ni a . Hemi atanga 680 te chu zu kaihhnawih niin Sorkarin in treatment cost a pek thin dan nen chhut mil leh niin health care atan hian Rs 63,536,955 senral nia chhut a ni bawk a ni. Trauma case bikah hian ACH chuan 2015-2016 chhung khan basic first aid-ah Rs. 11,794,000 sen a ni a, enkawl zui ngai ang chi ah 70,224,000 hman ral a ni bawk nia tarlan a ni. Trauma case atan hian ACH-ah chauh data lak a ni a, damdawi in dang te ah record a mumal loh avangin tih hleih theih a ni lo a ni. ACH-a emergency case (2016-17) lut zat chu 57,418 niin 31,210 chu trauma/injury case niin chumi atanga 75% chu zu kaihhnawih anga ngaih a ni.