Aizawl: MNF Thalai President Er. Lalrinawma chuan Mizorama HIV positive an tam chhan chu zu zawrh vang a ni tih a sawi. Nimin zing khan Mizo National Youth Front (MNYF) Headquarters chuan Aizawl Tennis Court kawt tualah fehchhuah hun hmangin street campaign a nei a, he huna thu sawitu MNYF President Er. Lalrinawma chuan, “Tun hnaia zu zawrh chungchang zirchiangtu (Study Team) te'n an zirchianna an tarlan danin, ‘Zu zawrh hi nawhchizuarin an hlawkpui ber a ni,’ an ti a. Hei hian, zu zawrh vangin HIV positive nasa takin an pung a ni tih a nemnghet a ni,” a ti. Thusawitu dang, Lalruatkima, MLA pawhin Mizorama mitthi an tam chhan chu sawrkarin zalen taka zu a zawrh vang nia sawiin MNF a sawrkar hunah zu an zuar ve dawn lo niin a sawi bawk.