Aizawl: Nimin khan MNF Thalai chuan Zonuam kawnah ‘Vangpui Fehchhuah’ beihpui an hmang a, MNF Thalai President Er. Lalrinawma, MLA-in thu a sawi. MNYF President chuan, “Congress-in zu kan zawrh chuan ruihhlo a tlem ang an ti a, zu kan han zuar a, ruihhlo a lo hluar ta sawt zawk a, home zawng zawng a full a. AIDS pawh a hluar phah a ni,” a ti a. “MNF kan sawrkar veleh zu zawrh hi kan titawp nghal dawn a ni,” a ti bawk. Er. Lalrinawma chuan taxi permit vawi khat chiah replacement tih theih chu enchian a ngai nia sawiin, “MNF a sawrkar veleh sawrkarah siamtha turin kan thlen dawn a ni,” a ti bawk. MNYF Vice President Lalremruata Chhangte pawhin thu sawiin, “Zoramin sawrkar ke bai kan hrawn mek a. Ram hruaitute chu eirukna kaih hnawih thil avangin an bang sup sup a. Hetianga ban nasat hi a la awm ngai lo a, tun sawrkar tluka eirukna nasat hi a la awm lo a ni,” a ti a. MPSC-ah acting chairman chauh a awm chu tha lo a tih thu a sawi.