Zaithiam Kimkima leh Jenny Jathang te channa 'Zu Zuar Fanu' chu shooting zawh fel a ni ta a, release hun tur erawh tihchian a la ni lo. 

Shooting hi Champhai District-a Bulfekzawl khuaah an nei a, an zo fel tawh. Cover photo pawh tun hnai khan tihchhuah niin, editing an khawih chho mek a ni. Jenny Jathang chuan, "Film industry-a hnu hma la nei lo ve ve kan ni dawn a, mi pawn an ngaihven ve viau kan beisei," tiin ZALEN palai a lo hrilh tawh. Jenny leh Kimkima te hian lead role an play dawn a nih hmel a, en a chawk tawh hle.

'Zu Zuar Fanu' hi F. Lalrindika'n a direct a, a changtu tur zingah mi thar hmuh tur an awm nual dawn. Zaithiam kan neih that zinga mi - Vanlalhmangaiha, Thawhlehnaniropuia, Francis Lallawmkima te hnung zuiin Kimkima leh Jenny Jathang te pawhin lemchan khawvel an luhchilh ve leh ta a ni.