ZALEN,April 28, 2026: Vawiin chhun dar 12:00 PM khan Ward- I, Zuangtui II EVM (Control Unit) chu chhiar a ni a. AMC inthlan result chhiar ni khan EVM hi chhiar theih mai a ni lo a Dr. H. Lalthlangliana, Commissioner, SEC pisaah chhiar a ni ta a ni.

EVM Engineer in a sawi dan chuan EVM khawl chu kum 15 a upa a ni tawh a, bawlhhlawh lut te a awm thei a, hei vang hian chhiar niah a chhiar theih loh niin a sawi. RO chuan enchhinnaah pawh a that vek thu ZALEN a hrilh bawk.

He EVM chhiarnaah hian Mizoram Journalist's Association (OB), General Observer AMC Election, Party aiawh, Municipal RO te an tel a ni.

SEC chuan result an puan hnan chhan sawiin Ward I a vote hmu hnem ber leh a dawttu inthlauhna chuan Zuangtui II a vote awm zat 644 chuan inthlauhna a tibuai pha tawh lo a ni.

Zuangtui II Control Unit vote thlak dan

MNF - 254, INC - 110, BJP - 9, ZPM - 268, NOTA - 3

Total 644