ZALEN Sept. 2024; Zuk leh hmuam kaihhnawiha Mizoram sum senral a sang hle a, kum 1 ah Rs. Vbc. 219.34 chuang a tling.

Global Tobacco Survey (GATS) report hnuhnung ber 2016-17 a tarlan a nih danin, Report-a a lan danin vaihlo leh a kaihnawih a Mizoramin a senso hi a sang hle a, nitin zuk leh hmuam manah Rs. Nuai 60.93 sengso ang a ni a, hei hi kumkhatah Rs. Vbc. 219.34 bawr vel nia chhut a ni.

Global Adult Tobacco Survey (GATS)-1 (2009 – 2010)-in a tar lan danin Mizoram mipui 67.2%-in vaihlo zuk leh hmuam eng emaw tal ti/hmangin, India ram pumah Mizoram hi pakhatna a ni a. GATS-2 (2016 – 2017)-ah Mizorama vaihlo kaihhnawih hmang hi 58.7%-ah tla hniamin, Tripura dawtah Mizoram chu awmin zuk leh hmuam hmang/ti nasa pahnihna a ni a. GATS-1 (2009 – 2010)-in a tar lan danin Mizoramah in chhung (home)-a mi mei zuk khu hipa secondhand smoke tuartu 96.5% an awm laiin, GATS-2 (2016 – 2017)-ah chuan 84.1%-ah a tla hniam a ni.

Global Youth Tobacco Survey-2 (2016-17)-in a tar lan dan chuan Mizoramah naupang kum 13-15 inkar zingah zuk leh hmuam ti 58% an awm a, Mizoram leh Arunachal Pradesh chu India rama sang ber a ni mek bawk.