DOWNLOAD OUR APP

Read latest news on your phone
app-store

‘A hma hun thuah Messi hi tumahin a thlem thlu lovang’ - Stoichkov

Mar 21, 2021

‘A hma hun thuah Messi hi tumahin a thlem thlu lovang’ - Stoichkov

Bulgarian superstar Hristo Stoichkov chuan Barca hmahun a eng hlea a hriatthu a sawi a, an superstar Argentine pawh a club ngaiah cham zawm se atan  a that a rin thu a sawi. 

Hristo Stoichkov chuan Barcelona president thlan thar Joan Laporta hian, a theihnain an star player Lionel Messi hi a chelh ngawt theia a rin loh thu a sawi rualin Argentinian star hian ama duhthu ngeiin a hma hun atan duhthlanna a siam dawn niin a sawi bawk. 

Barca lama Messi contract neih chu kumin nipui hian a tawp tawh dawn a, Barcelona legend hi free transfer-a la thei club an awm a nih chuan an nihlawh hle ang le! Nikum nipui lai khan, Messi chuan football chanchin thar ziaktu lar Goal hnenah a khelh mekna club-ah a hlim loh thu leh chhuahsan a duh thu alo sawi tawh a. He thutlukna a siam chhan chu an club president Josep Maria Bartomeu vang kha nia sawi a ni bawk. Tunah Bartomeu chu chhuak tawhin President thar hnuaiah Barca hi a awm tawh a, chuti chung chuan Messi-a hma hun hi a la chiang ta chuang lo a ni. 

Stoichkov-a’n eng nge a sawi?
Bulgarian legend chuan,"Duhthlanna fel tak a neih tawh chuan, tumahin a hma hun thuah Messi hi an hmin mai thei lova. Eng thu tlukna pawh siam se, kei chuan ka thlawp zel bawk dawn a ni. Laporta pawh hian a thlawp ve thovin ka ring. An thu tlukna zira min tinui a min vel thei khawpa player ropui tan chuan hma hun atana thu tlukna siam hi thil harsa tak a ni ngei ang,” a ti. 

Sawi zawmin,“Laporta hian Barca tan hna ropui alo thawk tawh thin a, tunah pawh hian hun tha tak a nei leh mek a ni. Thutlukna lian tak siamin Guardiola-ah rinna a nghat a, ropui takin football a par chhuah tir tawh. Mahse, buaina erawh tunah chuan Xavi  te, Andres Iniesta te, Ronaldinho te leh Eto te an awm tawh lo a ni,” a ti.

"Heng ho hunlai hi chuan an team kha chak tura duan ni mai hian a hriat. Mahse, tunah erawh mi thar an lo lang a, an thiamna leh theihna a dang hlak tawh. Hun lo kal tura hmahun eng tak nei player an awm nual a, mahse tunami te hian ramropui takah Barca hi an chuan chhuahpui ngei ang tih erawh a chiang chuang lo. An hma hun eng tak awm mek hi Messi pawh hian a hmuh thiam ve ngei ka ring a, hei vang hian Messi-a chelh rih chu Laporta tan chuan tih makmawh a ni,” a ti. 

Share now