National Book Trust, India (NBT), Central sorkar enkawl peng pakhat, Department of Secondary & Higher Education, Ministry of Human Resource Development, Govt. of India hi kum 1957-ah din a ni a. Proffesional organisation niin mipui vantlang ten man tlawm zawka lehkhabu tha an chhiar theih nana lehkhabu chi hrang hrang man tlawm zawka lei theih tura publish-a tanlak te, lehkha chhiar uar tura mipui nawlpui kaihthawh te, chhiar tam tura mitin kaihthawh leh lehkha chhiar hi chin dawklaka neihtir tura hmalak te chu NBT hmalakna pawimawh a ni a. NBT hian subject hrang hrang huam lehkhabu publish-in English leh major Indian language-te hmangin thuziak a tichhuak reng a. Hriatna leh finna hrang hrang lehkhabu hmanga thehdarh leh tihhmasawnna atan India ram leh India ram pawn-ah te Book Fair/Book Exhibitions buatsaih a ni thin a. World Book Fairs tum 21, National Book Fairs tum 40, Regional Book Fairs tum 300 chuang NBT hian a lo buatsaih tawh thin a ni. Tunah hian Book Club Member 80000 zet NBT -ah an inziaklut tawh a ni. August ni 1 hi NBT Foundation Day a ni bawk. Kumin hian Mizoram State Library, Art & Culture Department bul tumin National Book Week 17-22 Nov. 2014 Programme function neia a hranpaa hman a remchan loh avangin Media kaltlangin Book Week chungchang hi puanzar a ni thung. Mi tinten lehkhabu tha min tifinga, min tihhmasawn theite kan lo chhiar tama, lehkhabu chhiar tam hi chinthan leh tihdawklaka kan neih theih nan leh man tlawm zawka chhiar tur kan hmuh theih nante National Book Trust, India bul tumin ni 14-20 November hi National Book Week atan ram pumah hman a ni thin a. Book Week chhung hian mi tinten kan banphaka Public Library chi hrang hrang kan neihte State Library, New Secretariat Complex, Khatla te, District Library Aizawl Sikulpuikawna mi te, Lunglei, Saiha, Champhai leh Kolasib-a mite bakah Tlawmngai Pawl enkawl Library (Public Library anga kalpui) Mizoram chhung khua leh veng hrang hranga kan neih Mizoram State Library, Art & Culture Department kaltlanga Recognised Library te hi nasa zawka chhiar uar tur leh hmangtangkai theuh turin tan kan lak theuh a pawimawha. Tlawmngai Pawl - YMA etc. enkawlte hian an Library hman tangkai a nih theih nana an khua leh veng mipui vantlangte an zirtira, mi tam zawkin Library an chhawr theih nana hmalak reng chu an mawhphurna leh tih tur pawimawh tak a ni takmeuh a ni. Academic hnuaia College leh University Library te pawh students leh research scholars te pawhin a tam thei ang ber tlawha lehkhabu rawn tam hap-ta atan an hman tangkai a duhawm hle a ni. National Book Week hi ni 14-20 November a hman thin ni mah sela kumin hian ni 17-22 November 2014 kar hi Book Week atan hman a remchang avangin hemi karah hian lehkhabu chi hrang hrang min tifing leh min tihmasawn thei tur ang chite hmelhriata rawn turin Library leh Lehkhabu zawrhna dawr te a tam thei ang ber tlawhin Book Week hapta hmangtangkaitu nih theuh a pawimawh a ni. Book Week ni 17-21 November 2014 chhung hian Library-ah kalin library-a hriatna leh finna chi hrang hrang awmte enin rawn ila, mi thiam leh mi fingte irawmchhuak leh an thuril tha tak tak lehkhaziak hmanga library-a dahte bihin a hlutna kan haichhuah theih nan mitinin tan lak theuh a pawimawh. College leh University students/ Research scholars, Teaching staff te chauhvin research an tih tura ngaihna hi dah thain mipui nawlpui, mipui vantlang, mitinte hian mi thiam leh mi fing thuziak chi hrang hrang luhchilhina, thuziak chi hrang hrangte khaikhinna neiin kan hma zawn theuhvah research kan ti theuh thei a ni tih kan hriata, kan thiamna leh theihna tihthangliana, hriatna ril, kan nun khua kawng hrang hranga min tihmasawn thei kan neih theuh nana lehkha kan chhiar nasat hi National Book Week thuchah nung reng chu a ni. Grow with Books. - Lalramliana, State Librarian