Aizawl: Coordination Committee on Traffic Management thuchhuak angin, January 3, 2023 atanga hman tan turin Two Wheeler Taxi intlanchhawk dan tur thupek tihchhuah a ni.

Sr. SP Traffic Rodingliana Chawngthu in hriattirna a tihchhuah a tar lan a nih danin, Two Wheeler Taxi te chu group thumah sticker A, B, leh C-in then a ni dawn a, ni tin group hnih zel an tlan ang a, group khat an tlan lo ang. Intlanchhawk hian zing dar 9:30 atanga tlai dar 5 inkar a huam dawn a, inrinni bikah chawhnu dar 1 atangin an vaia tlanchhuah phalsak an ni ang. Pathianni leh sawrkar holiday ah pawh an vai a tlanchhuah phalsak an ni bawk ang.

Two Wheeler Taxi sticker hi traffic station ah ni 21.12.2022 atangin lak chhuah theih a ni dawn a, sticker thar la chhuak tur a piang ten sticker hlui an submit a ngai a, sticker hlui submit lo te chu sticker thar pek chhuah theih a ni dawn lo.