Aizawl: Tourism Secretary Esther Lalruatkimi chuan kum 2019  Krismas vuakvetah pawh veng cheimawite hnenah lawmman pek leh an tum tih a sawi. Zirtawpni kaltaa veng chei mawi ‘Christmas Street Decoration 2018’ te hnena lawmman hlanna inkhawm Tourist Lodge, Chaltlanga neihah he thu hi sawiin Tourism Secretary chuan Krismas puala department-in veng chei an buatsaih chu khualzinmite hipna atan leh Lal Isua chawimawina atana an buatsaih a ni tih a sawi a. Veng hrang hrangte chu a dawna hma la vak lo a, lo inhmakhua thiam turin a sawm a. Krismas pualin khualzin a tam thei ang ber Mizoramah lo zin se, an sum leh pai hmangin mi tam takin hlawkna hmu se tih chu department duhdan a ni tih a sawi bawk.