ZALEN August 06, 2026 : Cosmopolitan India Readers’ Choice Beauty Awards 2026-ah Mizo skincare brand Lawm from the Hills chuan category pahnihah lawmman an la a, Mizo zinga lawmman la thei hmasa ber an ni.

Cosmopolitan India chuan Thawhtanniah khan Cosmopolitan India Readers’ Choice Beauty Awards 2026 chu an puang a. Lawm from the Hills chuan Best Face Oil leh Best Sunscreen category-ah lawmman lain, skincare brand lar tak tak Caudalie, Laneige, Kasaya leh Sohrai te nen lawmman dawng zingah an tel a ni.

Lawm from the Hills award dawn pahnihte hi Mizorama siam chhuah a ni a. Best Face Oil chu Mizoram atanga thar chhuah vek Walnut Oil, Sacha Inchi Oil leh Perilla Seed Oil hmanga siam a ni. Best Sunscreen pawh Bamboo Water hmanga siam a ni a, hei pawh hi Mizoram tlangram atanga siam a ni bawk.