DOWNLOAD OUR APP

Read latest news on your phone
app-store

2021 Moto Grand Prix tlan turin World Champion a la inpeih tawk lo

Mar 18, 2021

World Champion Joan Mir chuan a bike khalh Suzuki chu an la inpeih tawk loh thu a sawi

Kumin 2021 Moto GP chu March ni 28 hian Qatar GP chu tlan tan a ni leh tawh dawn a. He intlansiak hmachhawn tur hian World Champion Joan Mir chuan a bike khalh Suzuki chu an la inpeih tawk loh thu a sawi a. Rider leh company tam zawk erawh an inpeih hle tawh thung. 

Moto GP World Champion lai Joan Mir chuan tun season bika a bike hman tura an ruahman chu a that tawk loh thu sawiin intlansiakna hmasa berah 2020-a a bike hman a hman rih tur thu a sawi.  Spaniard rider Mir hian a bike khalh Suzuki chu 70% chauh an inpeih hman dawn niin a sawi bawk. 

Zirtawpni khan Qatar tlan kawng Losail-ah bike thar enchhinna ni hnuhnung ber an hman a, tlan chhuak thei rider panga chiah an awm. He enchhinnaah hian Ducati rider Jack Miller a tlan chak ber. Rossi, 42 chu Petronas Yamaha Sepang Racing Team tan a tlan dawn a, intlansiak tura a inpeih tawh thu a sawi. 

Bike racing Moto GP an tihah hian an tan tirh atangin class hrang hrang atangin rider 103 zet-in nunna an chan tawh a ni. 

Share now