ZALEN August 1, 2023 : BJP Mizoram spokesperson K. Laldinthara chuan 2023 Election ah BJP tello sawrkar a piang dawn lo, niin a sawi a, NDA/NEDA chhuahsan mai pawi ti lo anga MNF Party President a tawng chu a invaukhan vena maia an ngaih thu BJP Mizoram chuan an sawi.

BJP thupuangtu chuan Mizoram politician ten BJP an hawt tak tak lo a, an do tak tak lo a ti a, BJP lian chho mek ngai ngam lovin, mipuite an sawithaih mai mai niin an sawi. 2023 Election ah BJP tello sawrkar Mizoram ah a piang dawn lo tiin, party dang tumahin an sawrkar dawn tih an sawi chiang ngam lo a, anni chiah an sawrkar tur sawi thei, an nih thu a sawi.

Mizoram tualtro party te chu NDA/NEDA zawm tumin BJP an rim vek an ti a, ZPM chu NEDA nge a zawm dawn BJP tih pawh hriat theih a ni lo, an ti bawk.