Aizawl April 27, 2024 : Zirtawpni zan khan Ophthalmological Society of Mizoram huaihawtin Eastern India Zonal Ophthalmological Congress (EIZOC), 8th MIDCON 2024 chu Aizawl Club-ah neih a ni a, hawnna hunah hian Dr. Renu Sharma (IAS), Chief Secretary, Govt. of Mizoram chu Chief Guest a ni a, state hrang hrang atanga mit doctor (ophthalmologist) an tel a ni.

Chief Guest Dr. Sharma chuan hetiang inhmuhkhawm ropui tak Mizorama an hmang hi lawmawm a tih thu sawiin doctor kal khawmten thiamna thar inhrilh hriat hun atana hmang tangkai turin a fuih.

Khawvel changkang zelah hetiang inhmuhkhawm hi mi tam takin an tangkaipui a beisei thu a sawi.

Congress hi ni hnih chhung (April 26 & 27) hman a ni a, mit hriselna lam kaihhnawih chi hrang hrangah seminar leh thusawi te hmangin hun hman a ni.