A B B A Chart-ah an inlar leh ta

Admin - Sep 12, 2021

kum 40 zet hnua hetiang dinhmun an luah leh theih vawi khatna a ni

Swedish pop group ABBA chuan tun hnai khan hla thar an tichhuak a, chart hrang hrangah an inlar leh tan mek. 

ABBA hi UK chart-ah top 10-ah an inhlangkai a, kum 40 zet hnua hetiang dinhmun an luah leh theih vawi khatna a ni. An hla thar 'Don't Shut Me Down' hian pakuana a hauh phak a, Swedish pop legend tan 1981 hnua top 10-a an lan leh vawi khatna a ni a, a ropui dangdai hle. 'I Still Have Faith In You' erawh top 10-ah a la lang pha lo a, 14-na a ni. 

'Don't Shut Me Down' leh 'I Still Have Faith In You' te hi an album thar tur 'Voyage' a mi niin, tun hnai khan a lyrics video an tichhuak a ni. 'Voyage' hi November-ah tlangzarh a ni dawn a, an album hi chan loh hlaua hauh lawk an tam hle a, record an siam hial a nih kha. 

'Don't Shut Me Down' an tihchhuah atangin kar khat chauh a la liam a, UK chart-ah hian No.1 a kai thei ang em tih chu hriat chakawm tawh tak a ni. 

Share now