Pop princess Britney Spears chuan a fans te a tibuai leh ta a, singer hian khuma saruaka a mu lai thla chu social media lamah a pho chhuak hmiah mai a ni. 
   
Singer lar hian Twitter lama post turin he thla hi a la a, mahse Instagram lam thleng thlenga a post vangin he thlalak pawisawi vang hian hun reilote chhung chu site hmang thei lo turin hremna a hmachhawn phah nghe nghe.

Thlalak-ah hian Britney chu khumah a mu a, a kut dinglam hliah turin a sam chuan a thlah a, a kut vei lamin a hnute lang tur a hup thung. 

Thlalakah hian Britney hian thuam engmah a in bel lo va, Evi suit-in khumah a zal tawp a ni. Saruaka khuma a mu lai thlalak a post caption-ah chuan,"Tun kar chhung hian movie pakhat 'the legislative act of my p***y' premiere kan nei dawn a ni," a ti. 

Star hian tun kar chhung hian premiere vawi tam tak tih chhuah a nih tur thu a sawi lang a, mahse a thu post eng emaw zat chu a tweet hnu darkar reilote hnuah delete leh thin a ni. 

A thlalak leh thu post hian fans tam tak ngaihtuahna a tibuai hle a, mi ṭhenkhat chuan a duh dan anga zalen taka a che ngam chu fak mah se, mi tam zawk chuan zawhna tam tak an neih bakah a thlalak te chu delete turin an ngen ve thung.

A fans zinga pakhat phei chuan chang fek-fawkin,"He thlalak hi delete nghal rawh" tiin a ziak. Midang pakhat pawhin,"He thil hian tumruhna lam a kawk em tih ka hre hauh lo. A social media thunun saktu hi midang an awm zawk em ni? A hmel chu a tha takzet a, a thlalak dan erawh pawm a harsa a ni," a ti. 

Mi tam takin an dem karah fans pakhat thung chuan,"A thil titheihna a la let leh ta. He hmeichhe lainatawm hi industry manager leh a chhung ten a zahawmna an lakbo zawh sak vek hnuah a rawn let leh a ni,"a ti thung.

Hetihlai hian mi tam tak chuan pop star hi Instagram leh Twitter-a a thlalakte share vak vak ai chuan OnlyFans lam luhchilh law law turin an lo fuih ve thung.