ZALEN November 2, 2024 : MPCC Sr. Vice President Lalnunmawia Chaungo chuan, "Sinlung Hills Council hi Congress party in a huamchhung mipuite dinhmun atana pawimawh nia a hriat avanga puitlin a ni a. A hringtu enkawl tluka tha leh hmangaihna dawng an awm ngai lo," a ti.

Sinlung Hills inthlan November ni 5.2024 (Thawhleni)-a neih tur atan Campaign mek Lalnunmawia Chuaungo chuan bial hrang hrang a tlawhnaah thu sawiin, "Congress party Politics chu ram leh hnam hmasawnna a ni a, chutiang tur chuan mahni inphatin kan che chhuak a ni. Roreltu nihna hi incheina a ni tih ngaihtuah lova mahni inhaivur tuipuitute vangin bial mipui ten an nih tur ang ni lovin an chanvo an chang pha lo thin. Congress party chuan hruaitu nawr kal chawp ngai kan nei ve lo hi Mizoram mipui tan a tha hle a ni," a ti.

"Thil fel lo leh dik lo hi kan siam tha dawn. Sawrkar hnathawk awm lohna chhungkua tan NLUP changtlung leh belh tlak zawk kan siam dawn a, Mizoram mipuiin a zar an zo leh dawn a, hlim takin an nun an hmang leh thuai ang. Hei hi Mizoram hmun hrang hranga mipuiin an nghakhlel a, an lunglen ngawih ngawih a, ruahmanna tha zawk duang turin ngaihtuahna kan seng mek a ni," a ti.