ZALEN September 07, 2026 : Lawngtlai Bawrhsap Donny Lalruatsanga chuan vawiin khan raltlan leh foreigner chungchangah thuchhuah siamin zan dar 8:00 hnu lamah Emergengy case a nih loh chuan pawn chhuah khap tlat tur a ni a, a tul angin checking neih thin tur a ni a ti.

Bawrhsap chuan raltlan eizawnna dap a inhlawh thinte chu hnathawh phalna (Work Permit) an awmna veng VC leh YLA atangin an la tur a ni a,  

September, 2026 thla atangin Raltlan leh Foreigner te Lawngtlai khawchhungah In luah an phal sak tur a ni lo a ti..

VC huamchhunga khua leh tui nilo (Foreigner) chengte/ In luah Village Council in Register-ah mumal takin an vawng tha tur a ni a, chhung tin ten kan mikhual (India khua leh tui nihna neilo) lo lut te Village Council leh YMA hnenah an report ngei ngei tur a ni. VC ten report felfai taka siamin Register an maintain tur a ni.

Kan khua/veng a lo pem tur ten, pem lehkha an awmna hlui khua/ veng VC lehkha an nei ngei tur a ni. Pem lehkha chu VC te hnenah an submit tur a ni, pem lehkha nei mumal lo te chu vengchhung thuneituten thutlukna an siam zel ang.

Hotel/ Homestay siam ten mikhual hriatchian mumal lo an thleng tur a ni lova, mikhual lo thleng turte hnenah Voter ID Card/Addhaar Card/ Driving Licence, etc. xerox copy an dil tur a ni. Mikhual lut leh chhuakte register mumal taka siam in an record tur a ni a, mikhual an neih dan kartin ( weekly report) document attached chu superintendent of police, Lawngtlai hnenah an submit tur a ni tih tyuchhuah chuan a tralang.