DOWNLOAD OUR APP

Read latest news on your phone
app-store

A interview-na hmasa berah Shakira-i'n uire santu a pasal hlui Pique nena an inthen chungchang eng tin nge a sawi?

Sep 23, 2022

Elle magazine-in an kawmnaah, singer Shakira chuan tun hnaia a pasal football player Gerard Piqué nena an inthen chungchang chu a vawi khat nan vantlang hmaah a sawi chhuak.

Elle magazine-in an kawmnaah, singer Shakira chuan tun hnaia a pasal football player Gerard Piqué nena an inthen chungchang chu a vawi khat nan vantlang hmaah a sawi chhuak.

Shakira hian Gerard Piqué nena an inthen chungchang a vawi khat nan vantlang hmaah sawi chhuakin,“A chang chuan heng kan thil tawn zawng zawng hi mumang tha lo mai mai ni ten ka hre thin,” a ti.

Kum 45 mi singer leh kum 35 mi Barcelona defender Piqué te hi June thla khan an inthen a, an nupa hian kum 12 zet inkawp hmanin fa pahnih Milan, kum 9 mi leh Sasha, kum 7 an nei. 

Kan inthenna hi inthenna pangngai ang a ni lo

Kan inthenna hi inthenna pangngai a nih loh vang hian inthen chungchang hi chu sawi chhuah a harsa hle mai, a bik takin interview ka hmachhawnna hmasa ber a nih avang te pawh a niang,” tiin Shakira chuan Elle a hrilh. “Ka ngawi reng a, ngaihzam a mena thlak vek ka tum mai thin. Ka la paltlang lui zel a, kan inthenna hi inthenna pangngai ang a nih loh avangin sawi harsa tak a ni. Mipui mit fukna ka ni bawk nen thil hi a harsa a ni," a ti. 

“Chuvangin ka tan chauh ni lovin, ka fate tan pawh a harsa hle ang tih ka ring. Thil kal kual dan hi a harsa khawp mai. Kan in pawnah 24/7 chhung paparazzi lamin camp an nei bawk nen, kan chenna in chhung tih loh chu mahni duh angin hun a hman theih loh,” a ti.

Colombian chuan,“Ka fate hi kan thil tawn mek aṭang hian humhim ka duh a, anmahni humhim hi ka ngaih pawimawh ber a nih avangin theih tawp ka chhuah ang. Mahse, chutih lai chuan sikul-a an thiante hnen atangin thu an hre thin emaw, internet-ah thuthang duhawm lo tak tak an hmu a nih hlauh chuan nghawng chu a nei ve ngei ang.

Sawi zawm,“A châng chuan heng zawng zawng hi mumang ṭha lo mai mai niin ka hria a, engtik emawah mang ram atang hian ka harh chhuak hlawl turah te ka ngai thin a, mahse, chutiang a ni si lo, thil thleng tak tak a ni si,” a ti.

Ka nuna hun thim ber chu

Piqué nena an inthen piah lamah Shakira-i hian lungngaihna belhchhahtu a nei a. An inthen thu puan a nih hma lawk khan, a pa kum 91 mi William Mebarak damlohna vangin intensive care-a dah luh ngai a ni bawk. Amah pawhin,“Ka hun tawn mek hi ka nuna hun thim ber a ni ngei ang,” tiin Grammy vawi thum dawng tawh hian a sawi hial a ni. Heng a buaina bakah hian chhiah awlruk thubuai a hmachhawn mek bawk.

Chhiah awlruka an puhna chungchangah chuan,“An hnenah engmah ka bat lo” a ti ngat ngam thung. Spain sorkar a chhiah lak lama thuneitute’n kum riat chhung lung in tan leh €23 million ($mtd 22.7) chawitir tumin an veh mek. 

Hemi chungchang hi sawi chhuakin Elle hnenah chuan,“Ka ba anga an sawi zawng zawng hi ka pe tlak vek tawh. Chuvângin, an hnênah engmah bat ka nei lo,” a ti hmiah.

Share now