ZALEN, Sept. 19, 2026: Lalruatsanga’n harsa taka Lallawmawma hnehin Orient Goldsmith Fighter of the Night-ah thlan a ni a, Zirtawpni zan Mizoram Labour Link LPS Pro Fight inhnek dangah Seigoulal chuan round of 16 a lut.

LPS Arena, Falkland-ah Maubawk rawlthar, Ruatsanga’n bantamweight-ah thiamna nei zawk a nihna chhawrin Zohmun boxer Lallawmawma lakah split decision, 28-29, 29-28, 30-27-in hnehna a chang.

Inhnek an tan rualin fuh takin Lawmawma’n a nawr a, chiang taka a hnek fuh hnuah kum 18 mi, Ruatsanga insiam thain dik taka hnekin a bei let a, inhnaih chilhah fuh takin a hnek fuh fo a, tharumah Zohmun boxer tha zawk mah se hnehna hlu tak a sual chhuak a, a vawi khat nan Orient Goldsmith Fighter of the Night-a thlan a ni.

Bantam inhnek dangah Thingsulthliah boxer Lalrinsanga’n harsa lo takin T Lallawmkima, Kolasib Saidan a hneh a, a tir atangin inhnek a awpbet a, round hnihna minute hnihah referee Hriata Chhunthang chuan inhnek titawpin a vawi hnih nan Rinsanga a chak.

Middleweight-ah Churachandpur, Manipur boxer Seigoulal chuan round hnihna tirah Lalremruata, Bawngkawn a hneh bawk a, Goulal hian thiamna nei zawk a nihna hmangin chiang tak takin a hnek fuh a, round khatna tawp dawnah Remruata talbuaiin referee Lalchhanhima Hnamte chuan chhiar mah se Bawngkawn rawlthar a ding tluan hram.

Round hnihna tirah Goulal chuan nawrin Remruata’n a bân a tina a, second 24 chiah an inbei hman tihin technical knockout-in Churachandpur tlangval a chak a, round of 16-ah Tuithiang boxer Lalhriattira nen an inhmachhawn ang.

Flyweight-ah inhnek vawi thum awmin round hnuhnung berah chhiar ngaiin Vincent Khongsai tlu mah se split decision-in Lalsawmliana, Bethlehem Vengthlang a hneh a, 30-28, 30-29, 27-29-in a chak.

North Molhai, Manipur boxer Khongsai hian hnek thiam zawk a nihna a chakpui hram a, thahrui nei tha, Sawmliana’n a tawp thlengin a bei ngawrh a, round thumnaah a nakah hneksakin Khongsai a tlu a, referee Malsawmsanga’n vawi riat a chhiar chhungin Khongsai a inpeih leh hman a ni.

Lungtian boxer Rommel Malsawmdawngliana’n awlsam takin tawnhriat nei lo, Malsawmtluanga Sunhluchhip a hneh ve thung a, Dawngliana hian hnek tlu nghalin Sawmtluanga’n bei zui leh mah se an inthlauh em avangin round khatna tawp nan second 30 a la awm tihin technical knockout-in Lungtian rawlthar a chak.

Rawpui tlangval, Laltlansanga’n round hnihna tirah technical knockout-in Jerry Zoramliana Fanai, Zawngin a hneh a, tawnhriat nei lo ve ve inbeiah hian Tlansanga’n awmze neiin a hnek a, thahrui a nei fei zawk bawk a, round hnihna tan atanga second 44-ah Zawngin boxer Ramliana’n a bei zui thei tawh lo.

Light-ah Tuipui Ferry boxer LV Robert Lalengliana’n round tin la vekin Vanlalpekhlua, North Lungpher) a hneh a, round hnuhnung berah chhiar ngai khawpin Pekhlua talbuai mah se a tawp thleng a ding tluan a, judge pathumin 30-26 vekin Engliana an chaktir.

Churachandpur, Manipur boxer Onminlen pawhin round thum la vekin Malsawma, Bethlehem Vengthlang a hneh bawk a, hnek thiam zawk a nihna langsar takin Onminlen hian a lantir a, Malsawma’n thahrui fei tha tak nei mah se a bet tluan zak.

Unanimous Decision thovin East Lungdar boxer David Malsawmzela’n Lalnunkima, Sialhau a hneh a, tawnhriat nei lo ve ve inkarah Sawmzela chungnung zawkin hnek thiam zawk a nihna a lantir.

Welter-ah mi thar ve ve, Gospela, Sesawng leh Lebona G Lalchawiliana, Sunhluchhip an innuai tawk hle a, judge pahnihin 29-28-a an pek hnem avangin split decision-in Gospela a chak hram a, pakhatin 29-28 thovin Chawiliana a chaktir ve thung a ni.

Inhnek dangah Bawngkawn West boxer Lalhlupuia Zote chuan technical knockout-in Lalpektluanga, Kawlhawk a hneh ve thung a, a tir atangin Hlupuia’n inhnek a thunun a, a ngila a vei leh ding a chhuah zawn hmangin lehlam a tibuai a, round hnihna laihawlah chiang taka a hnek zawn avangin Pektluanga a talbuai a, referee Malsawmtluanga’n inhnek a titawp.

Mizoram Labour Link LPS Pro Fight 2026

Zan 10-na : September 18, 2026 (Zirtawpni)

RESULT

FLYWEIGHT

Vincent Khongsai (North Molhai, Manipur) def Lalsawmliana (Bethlehem Vengthlang)

= Slpit Decision (30-28, 30-29, 27-29)

Rommel Malsawmdawngliana (Lungtian) def Malsawmtluanga (Sunhluchhip)

= Technical Knockout (Round 1, Minute 2:30)

Laltlansanga (Rawpui) def Jerry Zoramliana Fanai (Zawngin)

= Technical Knockout (Round 2, Second 44)

BANTAMWEIGHT

Lalrinsanga (Thingsulthliah) def T Lallawmkima (Kolasib Saidan)

= Technical Knockout (Round 2, Minute 2:00)

Lalruatsanga (Maubawk) def Lallawmawma (Zohmun)

= Slpit Decision (28-29, 29-28, 30-27)

LIGHTWEIGHT

LV Robert Lalengliana (Tuipui Ferry) def Vanlalpekhlua (North Lungpher)

= Unanimous Decision (30-26, 30-26, 30-26)

Onminlen (Churachandpur, Manipur) def Malsawma (Bethlehem Vengthlang)

= Unanimous Decision (30-27, 30-27, 30-27)

David Malsawmzela (East Lungdar) def Lalnunkima (Sialhau)

= Unanimous Decision (30-27, 30-27, 29-28)

WELTERWEIGHT

Gospela (Sesawng) def Lebona G Lalchawiliana (Sunhluchhip)

= Slpit Decision (29-28, 28-29, 29-28)

Lalhlupuia Zote (Bawngkawn West) def Lalpektluanga (Kawlhawk)

= Technical Knockout (Round 2, Minute 1:25)

MIDDLE WEIGHT

Seigoulal (Churachandpur, Manipur) def Lalremruata (Bawngkawn)

= Technical Knockout (Round 2, Secon 24)

Orient Goldsmith Fighter of the Night

- Lalruatsanga (Maubawk)

Zan 11-na : September 19, 2026 (Inrinni) - 8:00 PM : Bout 11 @ LPS Arena, Falkland

FIXTURE

FLYWEIGHT

B115 Ramtharnghaka (Dungtlang) v Zosiamliana (Bawngkawn Brigade)

B116 Malsawmtluanga (Ratu) v N Lalhruaizela (Tawipui South)

B117 Zakaria Lalneihpuia (Ramthar North) v David Vanbiakthawnga (Nghalchawm)

BANTAMWEIGHT

B118 Malsawmdawngliana (Dawrpui Vengthar) v Lalbiaktluanga Fanai (Lawipu)

B119 Vanlalhmingchungnunga (Thenhlum) v Lalruatkima (Falkland)

LIGHTWEIGHT

B120 James Lalmuanpuia (Lunglei Venglai) v Zaithanmawia (Ramthar Veng)

B121 C Lalfakawma (Phuaibuang) v Lalthazuala (Edenthar)

B122 Emmanuel Lalbuatsaiha (Muanna Veng) v Barnaba Lalmuanpuia (Dulte)

WELTERWEIGHT

B123 H Lalruatpuia (Bawngkawn) v Jeffrey Lalruatkima (Kolasib Project Veng)

B124 Lalchhanchhuaha (Khawzawl Electric Veng) v Laltanpuia (Kualmawi Bilkhawthlir)

MIDDLE WEIGHT

B125 Lalbiakmawia (Sairang Dinthar) v Lalramdinmawia (Mualpui Salem Veng)