ZALEN July 8, 2024; ZPM chuan Mizoram sawrkarin CBI hnena General Consent a pek tawh a hnuhkir loh thu leh ZPM party chu a principle ah a la dinngheh reng thu an puang.

Vawiin chawhnu dar 2 khan an party office ah thuthar thehdarhtute kawmin, ZPM Legal department chuan New Criminal Law hman avanga notification chhuah thar chu General Consent sutna, nuaibona leh withdraw-na a ni lo tih sawi.

"Danin a phut angin leh CBI instruction angin Mizoram sawrkar hian notification hi a chhuah thar leh mai chauh zawk a ni. General Consent, CBI hnena pek a nihna hi a la standing reng a, hetihlai hian State Govt.'s Employees te corruption leh pawikhawihna chhui tur a CBI hnena Consent pek kawngah ZPM kaihhruai sawrkar hi a hnungtawlh dawn lo tih pawh kan hriat tlan a tha awm e," tiin an sawi.

"Eirukna kaihhnawiha CBI hnena Consent pek an ngaihna huangchhungah Mizoram sawrkar hi a tlanchhe ngai dawn lo tih kan puang duh," an ti bawk.

ZPM Legal department tarlan dan :

"CBI General Consent awmzia diktak chu state sawrkarin a state chhunga Central Government hnathawkte chhui nghal phalna a lo pek hi a ni. General Consent pek lohna state ah chuan CBI hmalakna tur reng reng, thil tenau te ah pawh state sawrkar in consent a pek hmasak phawt a ngai a ni, CBI in engmah an tithei lo tihna a ni.'