Aizawl: Edu Fest leh Edu Options huaihawt thintu Lynchpin-Zalen chuan ni 9 leh ni 10 January, 2019 hian Vanapa Hall-ah a vawi khatna atan School Connect an huaihawt dawn a Class 11 leh 12 zirlaite lo tel vek turin an sawm a ni. School Connect hi School Education Minister Lalchhandama Ralte chuan 11 AM, 9th January ah a hawng dawn bawk a ni. Ni hnih chhung hian 11 AM-4 PM inkarah seminar session 4 nitin neih thin tur a ni a, heng session te hi zirlaite’n college an rah huna thil tangkai tur inhluina na seminar a ni hlawm dawn a. Science, Arts leh Commerce-a eizawnna awm dante inhrilhfiahna hun a ni bawk ang. Zirlaiin subject a thlan tawh leh ama personality chu a inmil em tih scientific method hmanga bukna Careermatch Test pawh Australian University atangin chhawp chhuah a ni bawk ang.