Bollywood actor lar Aamir Khan chuan covid-19 a vei tih hmuh chhuah a ni a, khunghran nghal a ni. 

Tun hnaiah Covid-19 thawh hnihna a leng leh mek a, India ram khawpui zingah Mumbai chu a nasat na ber a ni. Hrikai nasa taka an punchhoh leh mek lai hian milar zingah pawh positive an awm leh nual tawh a, Aamir Khan hma hian film star Kartik Aaryan chuan hri a kai tih puan a lo ni tawh bawk. 

Aamir Khan-a'n hri a kai avang hian shooting a neihpui Kiara Advani pawh fimkhur thilah khunghran a ni a, hri erawh a kai lo hlauh a ni. Kartik Aaryan-a film chanpui Hina Khan pawh test ni bawk mah se a negative a ni. 

Hetih lai hian '3 Idiots' film-a Aamir Khan-a chanpui Ranganathan Madhavan chu a positive tih hriat chhuah a ni a, a ni bakah hian Bollywood star dang - Ranbir Kapoor, Tara Sutaria, Sidhanth Chaturvedi, Manoj Bajpayee leh Sanjay Leela Bhansali te pawhin hri hi an kai a ni.