December 9, 2022; Aam Aadmi Party (AAP), Mizoram hruaitute chuan nakum 2023, Mizoram MLA inthlanpui lo awm turah a tlem ber ah seat 25 chuh an tum tih an sawi.

Vawiin khan Aizawl Press Club ah thuthar thehdarhtute kawmin, AAP Mizoram organising chairman Andrew Lalremkima chuan, tunhnai a Gujarat inthlan a MLA an neih tak avangin National Party an ni ta tih a sawi a, Gujarat mipuite thawhrimna AAP Mizoram chuan an chhuang takzet tih a sawi. "Mizoramah pawh dikna duhtu an tam avangin kan thei ve tih kan hria a, kan ti dawn bawk," tiin, "Nakumah MLA engemawzat kan nei ang," a ti bawk.

Mizoramah AAP tantu an neih belh zel thu te, tunah hian district hrang hrangah kalkualin, MLA candidate tur mi dik leh huaisen an zawn mek thu te leh, 2023 MLA inthlan ah hnehna an chan ngei theihna turin central lama an hotuten an rawn pui dawn niin a sawi.