ZALEN September 17, 2026 : Aizawl Municipal Corporation chuan kum hnih chhungin Aizawl khawpui bawlhhlawh tawihthei atangin cheng nuai 26 chuang an lalut tawh.

Nizan khan Zonet Zoram Kalsiam buatsaih Solid Waste Management Rules 2026 sawi honaah AMC Assistant Architect Veronica Vanlalhriati chuan Lalnuntawma Fanai zawhna chhangin tun hnai kum hnih chhungin Aizawl khawpui bawlhhlawh tawihthei atangin leitha ton 464.395 siam chhuakin, cheng nuai 26 chuang an lakluh tawh thu a sawi.

He hunah hian AMC Mayor H. Lalremtluanga chuan Tuirialah bawlh hlawh thliar hran saa chhun khawm chu kan duh ber a ni a, mahse veng thenkhat ti tha tak tak an awm laiin veng thenkhat thliar tha tawk lo an awm a, hnathawh a ti khaihlak nasa em em a, AMC chuan theih tawp a chhuah a, mipui nen kan tan tlan a ngai a ni a ti.